Ljósið - Forsíða

Gengið á 10 tinda á 13 klukktímum til stuðnings Ljósinu.

Föstudaginn 28. maí ætlar Þorsteinn Jakobsson göngugarpur að ganga 10 tinda á 13 klukkutímum til stuðnings Ljósinu, endurhæfingar- og stuðningsmiðstöð fyrir krabbameinsgreinda. Tilefnið er 5 ára afmæli Ljóssins, og verður söfnunarfénu varið til kaupa á framtíðarhúsnæði.

Þorsteinn er mikill göngugarpur og hefur áður lagt Ljósinu lið við fjáröflun. Tindarnir sem hann gengur á eru: Stapatindar - Festarfjall - Þorbjörn - Keilir - Sandfell - Helgafell - Valahnjúkar - Húsfell - Búrfell - Esjan.

Þorsteinn mun hefja gönguna klukkan 5:00 að morgni 28. maí og byrjar á að ganga á Stapatinda. Smellið hér til að skoða kort af tindunum, opnast sem pdf

Þorsteinn Jakobsson er góður vinur Bjarkar Andersen Ljósbera, og er það fyrir tilstilli hennar að hann leggur þessa miklu göngu á sig, fyrir Ljósið. Við erum Björk og Steina innilega þakklát fyrir framtakið.

Opið hús - í beinni á Bylgjunni

Bylgjan verður með beina útsendingu í húsnæði Ljóssins 28. maí að Langholtsvegi 43 og fylgst verður með göngunni og söfnuninni í bland við áhugaverð viðtöl og tónlist. Gestir og gangandi eru velkomnið að líta við skoða sig um og kynna sér starfsemina. Boðið verður upp á holla og næringarríka styrktarsúpu í hádeginu gegn vægu verði. (1000 kr)

Síðar um daginn eða kl. 14:30 er áætlað að Þorsteinn verði kominn að Esjurótum sem er síðasti tindurinn í göngunni. Búist er við að fjöldi manns muni taka þátt í að ganga upp fjallið og fagna svo náðum áfanga á toppi Esjunnar. Að lokinni Esjugöngu verður boðið upp á léttar og hollar veitingar. Við hvetjum alla til að koma með okkur upp Esju hlíðar.

Öllum er velkomið að taka þátt í hollri útivist og um leið styrkja gott málefni. Markmiðið er að afla fjár fyrir framtíðarhúsnæði fyrir þessa nauðsynlegu þjónustu sem Ljósið veitir.

Hringdu í eftirfarandi símanúmer ef þú hefur áhuga á að styðja Ljósið:

Frá og með 24.maí - 4.júní

9071001-(1.000 kr) , 907-1003 (3.000), 907-1005 (5000 kr) sem dregst af símareikningi. Einnig verður hægt að heita á Þorstein á bylgjan.is eða hringja inn áheit í síma 561 3770.

Nánari upplýsingar veitir: Erna Magnúsdóttir, forstöðumaður Ljóssins í síma:

561 3770 eða 695 6636

Þið getið styrkt gott málefni.

Act ehf. er umboðsaðili Avon snyrtivara og Remington hársnyrtitækja.

Við kaup á vörum frá Act ehf. mun renna rausnarleg upphæð af hverri sölu til Ljóssins sem er endurhæfingarmiðstöð fyrir fólk sem hefur fengið krabbamein.

Munið að við kaup þarf að nefna Ljósið.

Avon hefur framleitt vandaðar snyrtivörur í yfir 120 ár. Úrvalið er mikið, húðvörur, förðunarvörur, ilmvörur, hárvörur ofl.

Þið fáið vörurnar frá Act á heildsöluverði og munar um það.

Act ehf. Dalvegi 16, Kópavogi (keyrt inn við Europris og inn götuna)

Ljósið og Skeljungur

Við höfum nú gert samning við Skeljung þar sem þeir gefa ykkur 3 krónur í afslátt af hverjum lítra en Ljósið fær 2 krónur til að safna fyrir varanlegu húsnæði. Lyklarnir eru hérna hjá okkur í Ljósinu svo endilega komið og sækið ykkur lykla. Má einnig taka fyrir alla fjölskylduna og vini. Því fleiri lyklar sem fara út, því meiri notkun og við söfnum fljótt og vel fyrir húsinu okkar og allir græða.

Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin.

Sjá meðfylgjandi auglýsingu, smellið hér til að lesa auglýsingu, opnast í pdf

Endilega sendið áfram á þá sem þið þekkið og vilja styrkja gott málefni. En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.

Ungliðahópur Ljóssins,Krafts og SKB

Styrktarfélag krabbameinssjúkra barna (SKB), Ljósið endurhæfingar og stuðningsmiðstöð og Kraftur hafa tekið höndum saman um að halda úti metnaðarfullri dagskrá fyrir ungliða á aldrinum 18 til 29 ára frá og með næsta hausti.

Vel heppnaður kynningarfundur var haldinn sl. miðvikudag þar sem um 20 ungmenni mættu.

Félögin kynntu starfsemi sína og fengu um leið hugmyndir frá ungliðunum í púkkið fyrir komandi starfsár.

Í ungliðastarfi komandi starfsárs (haust 2010-vors 2011) verður miðað við að hittast á tveggja vikna fresti, eftir hefðbundinn vinnutíma og í upphafi starfsársins verður boðið upp á óvissuferð yfir helgi til að hrista hópinn vel saman.

Nýtt í Ljósinu

Nú er hægt að panta svæðanudd auk þess sem heildræna nuddið heldur áfram.

Guðrún Ingólfsdóttir svæðanuddari mun verða hjá Ljósinu í vetur, annan hvern mánudagsmorgunn. 60 mín, og kostar tíminn kr. 4000,-

Nuddið er eingöngu ætlað krabbameinsgreindum og aðstandendum þeirra

Hvað er svæðanudd?

Svæðanudd eins og er stundað á Íslandi er í raun blanda af tveimur erlendum meðferðargreinum. Zonetherapi sem þýðir svæðanudd og reflexology sem þýðir viðbragða- og svæðameðferð. Hugmyndin á bakvið svæðanudd er að allir líkamshlutar eigi sér samsvörun á fótum og höndum. Að það til séu svæði eða viðbragðpunktar sem svara til hvers líffæris, innkirtils og allrar starfsemi líkamans í heild að líkaminn og líkamlegt ástand endurspeglist í fótunum. Með því að nudda eða þrýsta á þessi svæði koma fram jákvæð áhrif á líffærakerfi og uppskeran er slökum og jafnvægi. Það er líka samspil orkurása, kenningar um orkubrautir og punkta á orkubrautunum.

Heildrænt nudd

Nudd er góð leið til slökunar og vellíðunar. Aðstandendur eru líka velkomnir í nudd hjá Ljósinu. Við bjóðum uppá klukkutíma heildrænt nudd og slökun á eftir.

Gjaldið er lægra en almennt gerist eða 4.000,- Verið að vinna að þvi að fá líka inn svæðanuddara, auglýst síðar.

Heildrænt nudd tekur mið af væntingum og ástandi nuddþega hverju sinni,
slökun þegar það á við og meiri áhersla á vöðvabólgu og þreytueinkenni þar sem það er viðeigandi.

Meðferðin byggir á þeirri sýn að líkami, hugur og tilfinningar spili saman í einu og öllu og nuddmeðferðin þurfi að ná til þessa samspils. Notkun steina, volgra og kaldra, getur verið viðeigandi í sumum tilfellum til að kalla fram vellíðan og slökun.

Fjórir nuddarar eru nú að störfum í Ljósinu og öll með viðurkennd próf úr nuddskóla Íslands

Sigrún Sigurgeirsdóttir

Sif Jónsdóttir var að bætast í hópinn og hún hefur yfir 20 ára reynslu í nuddi.

Hægt að panta tíma í Ljósinu s. 5613770

<< Byrja < Fyrri 1 2 3 4 Næsta > Endir >>

Úrslit 31 - 36 af 36

Viltu styrkja Ljósið

Þú getur lagt inn frjáls framlög á styrktarreikning Ljóssins

reikn.no 0130-26-410420

kt: 590406-0740

Langholtsvegur 43 - 104 Reykjavík

Minningarkort

Nú er hægt að kaupa falleg minningarkort í Ljósinu. Sigrún Lára Shanko, listakona og félagi í Ljósinu hannaði og málaði myndina sem er keltneskur kross.

Smelltu hér til að panta.

Möndlu / Spírupokar

Erum með til sölu möndlupoka, einnig notað til að spíra í og til að sigta safa

Pokinn kostar 1000 kr

Smelltu á myndina til að fá uppskrift af grænum djús frá Sollu á Gló

Málverka hornið

Ljósið er með til sölu málverk eftir tvo listamenn, þá Árna Rúnar og Garðar Jökulsson. Myndirnar hanga uppí Ljósinu til sýnis, einnig er hægt að skoða þær HÉR

Um Ljósið

Ljósið er endurhæfingar- og stuðningsmiðstöð fyrir fólk sem hefur fengið krabbamein / blóðsjúkdóma og aðstandendur þeirra. Markmið Ljóssins er að efla lífsgæðin með því að styrkja andlegan, félagslegan og líkamlegan þrótt og draga þannig úr hliðarverkunum sem sjúkdómurinn getur haft í för með sér.
Lesa meira

Ljósablaðið

Hreyfing styrkir Ljósið

Undanfarin ár hefur Ljósið
verið að efla líkamlega
endurhæfingu með því t.d. að vera í samvinnu við Hreyfingu,
Álfheimum. Sjá nánar hér

Viðtal

Útvarpviðtöl við Ernu og Matta Ósvald heilsuráðgjafa á Rás 1 og Rás 2 vegna fræðslufunda fyrir karlmenn í Ljósinu. Smelltu hér til að hlusta

Viltu lækka eldsneytisverðið?

Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin. Endilega sendið áfram á þá sem þið þekkið og vilja styrkja gott málefni.

En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.

Vertu með okkur á Facebook

Ljósið Endurhæfing