Ungliðastarfið 18-30 ára

Nú fer vetrarstarf Ungliðahóps SKB, Krafts og Ljóssins af stað á nýjan leik. Hópurinn er fyrir fólk á aldrinum 18-30 ára sem hefur annað hvort greinst með krabbamein einhvern tímann á lífsleiðinni eða er aðstandandi einhvers sem hefur greinst. Hópurinn mun hittast annan hvorn fimmtudag í vetur og nú er komið að fyrsta fundi. Hann verður fimmtudaginn 8. september klukkan 19:00 í Ljósinu, Langholtsvegi 43. Þar verður dagskrá vetrarins kynnt og farið verður yfir haustferð hópsins sem er á næsta leiti. Boðið verður upp á léttar veitingar og eitthvað sprell. Nýjir sem gamlir félagar eru boðnir velkomnir en markmið hópsins er að hlúa að sekmmtilegu og fræðandi starfi fyrir ungt fólk og gefa því tækifæri til að hittast og ræða málin.

Næsti fundur er fimmtudaginn 8. september klukkan 19:00 í Ljósinu, Langholtsvegi 43.

Endilega látið berast ef þið þekkið einhvern á þessum aldri sem hefði gaman af því að koma.

Unga fólkið og líkamsrækt

Líkamsrækt í Hreyfingu fyrir ungt fólk

ca 18-39 ára.

Haukur sjúkraþjálfari mun stýra hópum í tækjasalnum fyrri ungt fólk sem hefur fengið krabbamein og vill byggja sig upp undir handleiðslu fagaðila. Hóparnir verða í Hreyfingu í Glæsibæ..á þriðjudögum og fimmtudögum kl. 13:30

Fyrsti tíminn er þriðjudaginn 6 sept.

Skráning hjá Ljósinu í síma 5613770

Nýtt! Yoga - eftir hádegi

Ertu að vinna, eða áttu erfitt með að vakna á morgnana. Viltu prófa að vera í jóga og góðum teyjuæfingum eftir hádegi á þriðjudögum kl.13:00

Jóga með Birgittu Guðmundsdóttur.

Jóga og teyjur er góð leið til að auka vellíðan og almennan liðleika.

Tímarnir hefjast þriðjudaginn 6. September

Verð: 400 kr. tíminn

Láttu þér líða vel

Vinsamlegast skráið ykkur í síma 5613770 svo að við vitum hver áhuginn er.

Nýtt námskeið í samvinnu við Lótushús

Viltu stjórna eigin hugsunum og læra að hugleiða.

Tími: Mánudagar kl: 10:00-11:30, 4 skipti.

Hefst : 5 september

Jákvæð hugsun: „Þú ert það sem þú hugsar!"

Hugsanir mínar um eigið sjálf og aðra hafa bein áhrif á sambönd mín, bæði sambandið við sjálfan mig og aðra. Traust, kærleikur, virðing, skilningur og góð samskipti einkenna öll góð sambönd. Er ég minn eigin vinur og félagi?

Hugleiðsla: Viltu læra að iðka hugleiðslu?

Hugleiðsla hefur í gegnum aldirnar verið ein einfaldasta og áhrifaríkasta leiðin til að öðlast jákvæðara og kyrrara hugarástand. Hugleiðslan hjálpar okkur að læra að ríkja yfir eigin huga, öðlast sanna sjálfsvirðingu og virkja þá góðu eiginleika sem innra með okkur búa.

Markmið námskeiðisins:

Markmið námskeiðisins er að veita aukinn skilning á eðli hugsanana og kyrra hugann með hugleiðslu. Þú munt læra einfaldar aðferðir til að tileinka þér jákvæðara og uppbyggilegra viðhorf heima fyrir, í vinnunni og í samskiptum þínum við annað fólk.

Skráning í Ljósinu í síma 561-3770, Verð kr. 2000,-

Ljósa-bolli

Nú er hægt að kaupa bolla með merki Ljóssins, á bollanum stendur:

Ég styrki Ljósið.

Bollinn kostar 2000 kr

Öll sala af bollanum fer til styktar Ljósinu.

TIVOLI í Ljósinu

Ljósið hefur fengið til einkasölu bleik og blá TIVOLI útvörp - þessi æðislegu útvörp eru á sérstöku Ljósa-verði aðeins 19.900 krónur,tækin kosta út úr búð 35.000 krónur.Hægt er að tengja I-pod og heyrnatól við tækið.

Ljósið fær til styrktar 5000 kr. af hverju tæki. Flottar gjafir og styrkir um leið gott málefni.

Gjöf til Ljóssins

Ljósinu barst gjöf á dögunum frá Höllu og Ásgeiri eigendum Prentun og Pökkun Það voru 40 bollar og 40 diskar sérmerktir Ljósinu.Þökkum við þeim hjartanlega fyrir þessa fallegu gjöf sem hefur vakið mikla lukku í Ljósakaffinu.

Bókagjöf frá Sölku

Ljósinu barst gjöf frá Bókaútgáfunni Sölku , þetta eru uppbyggilegar bækur og fræðandi og eru á bókasafni Ljóssins

Einnig bíður Salka ljósberum að versla Sölku í Skipholti 50c og fá

10 % afslátt.

Bókagjöf frá Sölku

Nafn bókar Höfundur

Fegraðu líf þitt Viktoría Moran

Hreystin kemur innan frá Maria Costantinno

Skyndibitar fyrir sálina Barbara Berger

Fleiri skyndibitar fyrir sálina Barbara Berger

Hugræn tækni Barbara Berger

Lífsreglurnar fjórar Don Miguel Ruiz

Mataræði Michael Pollan

Síðasti fyrirlesturinn Randy Pausch

Ótuktin Anna Pálína Árnadóttir

The Secret/Leyndarmálið Rhonda Byrne

Talað út um lífið og tilveruna Jónína Leósdóttir

Út í birtuna Arnfríður Guðmundsdóttir/ Æja-Þórey Magnúsdóttir

Postulín Freyja Haraldóttir/Alma Guðmunds

Sjúkraþjálfun

Ljósið endurhæfing og Sjúkraþjálfun Styrkur hafa tekið upp formlegt samstarf. Með samstarfi þessara endurhæfingastöðva er boðið upp á fjölbreytt úrræði fyrir krabbameinsgreinda einstaklinga, bæði karlmenn og konur. Þjónustan er bæði einstaklingsmiðuð en jafnframt er lögð áhersla á þátttöku í hópum.

G. Haukur Guðmundsson sjúkraþjálfari mun vinna bæði hjá Ljósinu og Styrk og verður þannig samnefnari fyrir báðar stöðvar.

Mikil þörf er á heildrænni þjónustu fyrir þennan hóp einstaklinga og samstarf Ljóssins og Styrks þáttur í því að svara þeirri eftirspurn.

Hópþjálfun: (gott fyrir þá sem treysta sér ekki í Hreyfingu líkamsræktarstöð)

Fyrir þá sem vilja liðkandi og styrkjandi æfingar sem auka

úthald og getu og vinna gegn kvillum í stoðkerfi. Æfingarnar taka tillit til kvilla sem geta fylgt krabbameinsgreiningu. Þjálfunin hentar einnig konum vel með sogæðavandamál.

Fyrsti tíminn hefst mánudaginn 7 febrúar kl: 15:00 (Blandaður hópur).

Staðsetning: Styrkur sjúkraþjálfun Höfðabakka 9, 110 Rvk

Fólk er beðið um að hringja í Styrk og panta tíma S: 587-7750 hjá Hauki sjúkraþjálfara.

Meira...

Fræðslufundir fyrir karlmenn

<< Byrja < Fyrri 1 2 3 4 Næsta > Endir >>

Úrslit 15 - 24 af 36

Viltu styrkja Ljósið

Þú getur lagt inn frjáls framlög á styrktarreikning Ljóssins

reikn.no 0130-26-410420

kt: 590406-0740

Langholtsvegur 43 - 104 Reykjavík

Minningarkort

Nú er hægt að kaupa falleg minningarkort í Ljósinu. Sigrún Lára Shanko, listakona og félagi í Ljósinu hannaði og málaði myndina sem er keltneskur kross.

Smelltu hér til að panta.

Möndlu / Spírupokar

Erum með til sölu möndlupoka, einnig notað til að spíra í og til að sigta safa

Pokinn kostar 1000 kr

Smelltu á myndina til að fá uppskrift af grænum djús frá Sollu á Gló

Málverka hornið

Ljósið er með til sölu málverk eftir tvo listamenn, þá Árna Rúnar og Garðar Jökulsson. Myndirnar hanga uppí Ljósinu til sýnis, einnig er hægt að skoða þær HÉR

Um Ljósið

Ljósið er endurhæfingar- og stuðningsmiðstöð fyrir fólk sem hefur fengið krabbamein / blóðsjúkdóma og aðstandendur þeirra. Markmið Ljóssins er að efla lífsgæðin með því að styrkja andlegan, félagslegan og líkamlegan þrótt og draga þannig úr hliðarverkunum sem sjúkdómurinn getur haft í för með sér.
Lesa meira

Ljósablaðið

Hreyfing styrkir Ljósið

Undanfarin ár hefur Ljósið
verið að efla líkamlega
endurhæfingu með því t.d. að vera í samvinnu við Hreyfingu,
Álfheimum. Sjá nánar hér

Viðtal

Útvarpviðtöl við Ernu og Matta Ósvald heilsuráðgjafa á Rás 1 og Rás 2 vegna fræðslufunda fyrir karlmenn í Ljósinu. Smelltu hér til að hlusta

Viltu lækka eldsneytisverðið?

Við höfum nú gert samning við Skeljung þar sem þeir gefa ykkur 3 krónur í afslátt af hverjum lítra en Ljósið fær 2 krónur til að safna fyrir varanlegu húsnæði. Lyklarnir eru hérna hjá okkur í Ljósinu svo endilega komið og sækið ykkur lykla. Má einnig taka fyrir alla fjölskylduna og vini. Því fleiri lyklar sem fara út, því meiri notkun og við söfnum fljótt og vel fyrir húsinu okkar og allir græða.

Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin. Endilega sendið áfram á þá sem þið þekkið og vilja styrkja gott málefni.

En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.

Vertu með okkur á Facebook

Ljósið Endurhæfing