| Menningarferð |
|
|
|
|
Álafosskvosin Menningarferð verður farin í Álafosskvosina á miðvikudaginn þann 27. Maí næstkomandi. Við hittumst í Ljósinu 10.15 og leggjum af stað kl. 10.30. Þeir sem vilja hitta okkur uppfrá, þá erum við komin 10.45. Í Álafosskvosinni er falleg gjafavöruverslun sem einnig selur lopa og prjónauppskriftir. Þar er líka Ásgarður, verkstæði fyrir þroskahamlaða og þau eru að gera virkilega fallegt handverk sem gaman er að skoða. Vonumst til að hitta sem flesta í smá sumarfíling í fallegu umhverfi. Frá Reykjavík er keyrt 6 hringtorg beygt til hægri og keyrt í 2 mínútur þar til komið er að stóru gulu húsi. Bendum á heimasíðurnar alafoss.is og asgardur.is
|
Viltu styrkja Ljósið
Þú getur lagt inn frjáls framlög á styrktarreikning Ljóssins
Minningarkort
Nú er hægt að kaupa falleg minningarkort í Ljósinu. Sigrún Lára Shanko, listakona og félagi í Ljósinu hannaði og málaði myndina sem er keltneskur kross.
Tækifæriskort
Erum með til sölu þetta fallega kort sem heitir Lítil stúlka með ljós í hendi, það var Ingibjörg Árnadóttir velunnari Ljóssins sem gaf það, en myndin er eftir Barböru Árnason.
Hægt að nota sem tækifæriskort,jólakort eða minningarkort.
Um Ljósið
Ljósið er endurhæfingar- og stuðningsmiðstöð fyrir fólk sem hefur fengið krabbamein / blóðsjúkdóma og aðstandendur þeirra. Markmið Ljóssins er að efla lífsgæðin með því að styrkja andlegan, félagslegan og líkamlegan þrótt og draga þannig úr hliðarverkunum sem sjúkdómurinn getur haft í för með sér.Lesa meira
Viltu lækka eldsneytisverðið?
Við höfum nú gert samning við Skeljung þar sem þeir gefa ykkur 3 krónur í afslátt af hverjum lítra en Ljósið fær 2 krónur til að safna fyrir varanlegu húsnæði. Lyklarnir eru hérna hjá okkur í Ljósinu svo endilega komið og sækið ykkur lykla. Má einnig taka fyrir alla fjölskylduna og vini. Því fleiri lyklar sem fara út, því meiri notkun og við söfnum fljótt og vel fyrir húsinu okkar og allir græða.
Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin. Endilega sendið áfram á þá sem þið þekkið og vilja styrkja gott málefni.
En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.
