| Áhugaverð námskeið |
|
|
|
|
Það er margt spennandi framundan hjá okkur.
Að virkja eigin kraft (8 vikur) hefst aftur mánudaginn 12. apríl kl 10-12. Námskeiðið hefur notið mikilla vinsælda og gefið þátttakendum mikið. Er ætlað þeim sem greindust á sl einu og hálfa ári. Umsjón: Magnea B. Jónsdóttir, sálfræðingur. Skráning hafin.
Námskeið í Heilsueflingu
(9 vikur í fyrirlestrarformi) hefst miðvikudaginn 7 apríl kl. 10:30-12:00. Skemmtilegt og fræðandi námskeið um allt er viðkemur heilsu, lífsstíl og eflingu lífsgæða. Hefur einnig notið mikilla vinsælda. Umsjón: Berglind Kristinsdóttir iðjuþjálfi, aðstandendur einnig velkomnir. Skráning hafin.
Námskeið fyrir aðstandendur:
Mjög fræðandi og uppbyggjandi námskeið (7vikur) fyrir aðstandendur 18 ára og eldri hefst aftur miðvikudaginn 7.apríl kl 19:30-21:30. Umsjón: Magnea B Jónsdóttir sálfræðingur.
Handverkshópar:
Skemmtileg námskeið í Tiffanys lampagerð. Leðursaumur í vél. Trétálgun, ótrúlega flottir hlutir.
Skartgripagerð, perlur, gler. Saumagallery, lærðu að sauma. Prjónakaffi. Leirlist. Þæfing. Fluguhnýtingar. Bútasaumur. Mósaik. Vinsamlegast hafið samband varðandi hópa. |
Viltu styrkja Ljósið
Þú getur lagt inn frjáls framlög á styrktarreikning Ljóssins
Minningarkort
Nú er hægt að kaupa falleg minningarkort í Ljósinu. Sigrún Lára Shanko, listakona og félagi í Ljósinu hannaði og málaði myndina sem er keltneskur kross.
Tækifæriskort
Erum með til sölu þetta fallega kort sem heitir Lítil stúlka með ljós í hendi, það var Ingibjörg Árnadóttir velunnari Ljóssins sem gaf það, en myndin er eftir Barböru Árnason.
Hægt að nota sem tækifæriskort,jólakort eða minningarkort.
Um Ljósið
Ljósið er endurhæfingar- og stuðningsmiðstöð fyrir fólk sem hefur fengið krabbamein / blóðsjúkdóma og aðstandendur þeirra. Markmið Ljóssins er að efla lífsgæðin með því að styrkja andlegan, félagslegan og líkamlegan þrótt og draga þannig úr hliðarverkunum sem sjúkdómurinn getur haft í för með sér.Lesa meira
Viltu lækka eldsneytisverðið?
Við höfum nú gert samning við Skeljung þar sem þeir gefa ykkur 3 krónur í afslátt af hverjum lítra en Ljósið fær 2 krónur til að safna fyrir varanlegu húsnæði. Lyklarnir eru hérna hjá okkur í Ljósinu svo endilega komið og sækið ykkur lykla. Má einnig taka fyrir alla fjölskylduna og vini. Því fleiri lyklar sem fara út, því meiri notkun og við söfnum fljótt og vel fyrir húsinu okkar og allir græða.
Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin. Endilega sendið áfram á þá sem þið þekkið og vilja styrkja gott málefni.
En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.
