| Að virkja eigin kraft - nýgreindir |
|
|
|
Að virkja eigin kraft Fræðslu- og stuðningshópur fyrir nýgreinda krabbameinssjúklinga þar sem stuðst er við aðferðir Hugrænnar atferlismeðferðar. Mánudögum kl. 10:00 - 12:00, 8 skipti tveir tímar í senn. Markmið námskeiðsins er að styrkja og efla lífsgæði þeirra sem greinst hafa með krabbamein. Það er gert með því að skoða hvað veldur vanlíðan og hvernig hægt sé að hafa áhrif á hvernig tekist er á við sjúkdóminn. Einnig er mikilvægt að kynnast öðrum í svipaðri stöðu, deila reynslu, læra af hvort öðru og hafa það skemmtilegt. Í hópnum verður unnið með þá reynslu að greinast með alvarlegan sjúkdóm og áhrif þess á sjálfsmynd og samskipti. Lögð er áhersla á að þátttakendur geti miðlað af eigin reynslu og unnið með það sem er mikilvægt fyrir einstaklinginn. Farið er yfir líðan og það sem er efst í huga í hverjum tíma. Fræðsla um samspil hugar, sálar og líkama og aðferðir hugrænnar atferlismeðferðar dreifist yfir tímana. Þar er skoðað hvernig persónuleg túlkun á aðstæðum mótar hugsanir og viðhorf og áhrif þess á líðan og hegðun. Kannað er hvaðan óuppbyggileg viðhorf koma og hvernig ákveðnar lífsreglur hafa mótast út frá þeim. Unnið er með að endurskoða og endurmeta viðhorf og hugsanir sem eru ekki hjálpegar í þeim aðstæðum sem þátttakendur finna sig í. Verkefni eru unnin á milli tíma og þau skoðuð í tímunum. Einnig verða kenndar léttar slökunaræfingar og árvekni. Leiðbeinandi er Magnea B. Jónsdóttir sálfræðingur |
Viltu styrkja Ljósið
Þú getur lagt inn frjáls framlög á styrktarreikning Ljóssins
Minningarkort
Nú er hægt að kaupa falleg minningarkort í Ljósinu. Sigrún Lára Shanko, listakona og félagi í Ljósinu hannaði og málaði myndina sem er keltneskur kross.
Tækifæriskort
Erum með til sölu þetta fallega kort sem heitir Lítil stúlka með ljós í hendi, það var Ingibjörg Árnadóttir velunnari Ljóssins sem gaf það, en myndin er eftir Barböru Árnason.
Hægt að nota sem tækifæriskort,jólakort eða minningarkort.
Um Ljósið
Ljósið er endurhæfingar- og stuðningsmiðstöð fyrir fólk sem hefur fengið krabbamein / blóðsjúkdóma og aðstandendur þeirra. Markmið Ljóssins er að efla lífsgæðin með því að styrkja andlegan, félagslegan og líkamlegan þrótt og draga þannig úr hliðarverkunum sem sjúkdómurinn getur haft í för með sér.Lesa meira
Viltu lækka eldsneytisverðið?
Við höfum nú gert samning við Skeljung þar sem þeir gefa ykkur 3 krónur í afslátt af hverjum lítra en Ljósið fær 2 krónur til að safna fyrir varanlegu húsnæði. Lyklarnir eru hérna hjá okkur í Ljósinu svo endilega komið og sækið ykkur lykla. Má einnig taka fyrir alla fjölskylduna og vini. Því fleiri lyklar sem fara út, því meiri notkun og við söfnum fljótt og vel fyrir húsinu okkar og allir græða.
Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin. Endilega sendið áfram á þá sem þið þekkið og vilja styrkja gott málefni.
En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.
