Ljósið - Heilsuefling

Heilsuefling

Þátttakendur: 15 einstaklingar

Umsjón: Berglind Kristinsdóttir iðjuþjálfi B.Sc., auk gestafyrirlesara.

Markmið:

Rætt verður um heilsu út frá ýmsum sjónarhornum. Rætt um hvernig takast eigi við breytingar í lífinu í kjölfar greiningar og meðferðar á krabbameini og þá aðlögun sem nauðsynleg er til að njóta innihaldsríks lífs. Lífsviðhorf rætt, að eiga eftirsóknaverða framtíðarsýn og öflugt sjálfstraust. Mikilvægi stjórnunar hugans, slökunar, hugleiðslu og áhrif þess á hamingju. Stefnumótun og markmiðssetning í eigin lífi og óskaspjöld, auk þess sem bjargráð verða í brennidepli. Hvert umræðuefni verður kynnt í byrjun hvers tíma og gert er ráð fyrir virkri umræðu þátttakenda, auk spennandi verkefna.

Staður og stund:

Námskeiðið fer fram í jógasal Ljósins á Langholtsvegi 43 á miðvikudagsmorgnum frá 10.30-12. Ljósið býður upp á námskeiðið þrisvar á ári, í byrjun árs, eftir páska og á haustönn. Námskeiðið stendur yfir í 10 vikur, dagsetningar auglýstar á ljosid.is

Skráning fer fram hjá starfsfólki Ljóssins síma 5613770 og er ókeypis.

Viltu styrkja Ljósið

Þú getur lagt inn frjáls framlög á styrktarreikning Ljóssins

reikn.no 0130-26-410420

kt: 590406-0740

Minningarkort

Nú er hægt að kaupa falleg minningarkort í Ljósinu. Sigrún Lára Shanko, listakona og félagi í Ljósinu hannaði og málaði myndina sem er keltneskur kross.

Tækifæriskort

Erum með til sölu þetta fallega kort sem heitir Lítil stúlka með ljós í hendi, það var Ingibjörg Árnadóttir velunnari Ljóssins sem gaf það, en myndin er eftir Barböru Árnason.

Hægt að nota sem tækifæriskort,jólakort eða minningarkort.

Um Ljósið

Ljósið er endurhæfingar- og stuðningsmiðstöð fyrir fólk sem hefur fengið krabbamein / blóðsjúkdóma og aðstandendur þeirra. Markmið Ljóssins er að efla lífsgæðin með því að styrkja andlegan, félagslegan og líkamlegan þrótt og draga þannig úr hliðarverkunum sem sjúkdómurinn getur haft í för með sér.
Lesa meira

Viltu lækka eldsneytisverðið?

Við höfum nú gert samning við Skeljung þar sem þeir gefa ykkur 3 krónur í afslátt af hverjum lítra en Ljósið fær 2 krónur til að safna fyrir varanlegu húsnæði. Lyklarnir eru hérna hjá okkur í Ljósinu svo endilega komið og sækið ykkur lykla. Má einnig taka fyrir alla fjölskylduna og vini. Því fleiri lyklar sem fara út, því meiri notkun og við söfnum fljótt og vel fyrir húsinu okkar og allir græða.

Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin. Endilega sendið áfram á þá sem þið þekkið og vilja styrkja gott málefni.

En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.

Ljósablaðið

Vertu með okkur á Facebook

Ljósið Endurhæfing