| Listmeðferð |
|
|
|
|
Listmeðferð í Ljósinu
Listmeðferð snýst um að einstaklingurinn vinni með reynslur sínar og upplifanir í gegnum listsköpun og deili með öðrum. Þannig er hægt að þróa persónulega tjáningu og koma tilfinningum frá sér á uppbyggjandi hátt. Listmeðferð getur hjálpað til við að efla meðvitund um eigin tilfinningar, hugsanir og viðbrögð.
Að deila tilfinningum stuðlar að bættri andlegri og líkamlegri líðan.
Mikilvægt er að einstaklingurinn upplifi traust og öryggi til þess að geta tjáð sig frjálst með þeim efnivið sem er í boði. Aðal áhersla er lögð á sköpunina sjálfa (ekki útkomuna) og þá munnlegu tjáningu um tilfinningar og hugsanir sem upp koma. Megin tilgangur listmeðferðarfræðingsins er að halda utan um ferlið þannig að það stuðli að auknum sjálfsskilningi hvers og eins.
Margir af þeim sem hafa verið í listmeðferð í Ljósinu hafa orðað að þeir öðlist ró og meiri tengsl við sjálfan sig þegar þeir sitja í þögninni og skapa og við það að deila síðan upplifun sinni með hópnum hafa þeir fundið fyrir samkennd og skilningi.
-- Einkatímar í listmeðferð eru á föstudögum, tímapantanir eru í síma 5613770. |
Viltu styrkja Ljósið
Þú getur lagt inn frjáls framlög á styrktarreikning Ljóssins
Minningarkort
Nú er hægt að kaupa falleg minningarkort í Ljósinu. Sigrún Lára Shanko, listakona og félagi í Ljósinu hannaði og málaði myndina sem er keltneskur kross.
Tækifæriskort
Erum með til sölu þetta fallega kort sem heitir Lítil stúlka með ljós í hendi, það var Ingibjörg Árnadóttir velunnari Ljóssins sem gaf það, en myndin er eftir Barböru Árnason.
Hægt að nota sem tækifæriskort,jólakort eða minningarkort.
Um Ljósið
Ljósið er endurhæfingar- og stuðningsmiðstöð fyrir fólk sem hefur fengið krabbamein / blóðsjúkdóma og aðstandendur þeirra. Markmið Ljóssins er að efla lífsgæðin með því að styrkja andlegan, félagslegan og líkamlegan þrótt og draga þannig úr hliðarverkunum sem sjúkdómurinn getur haft í för með sér.Lesa meira
Viltu lækka eldsneytisverðið?
Við höfum nú gert samning við Skeljung þar sem þeir gefa ykkur 3 krónur í afslátt af hverjum lítra en Ljósið fær 2 krónur til að safna fyrir varanlegu húsnæði. Lyklarnir eru hérna hjá okkur í Ljósinu svo endilega komið og sækið ykkur lykla. Má einnig taka fyrir alla fjölskylduna og vini. Því fleiri lyklar sem fara út, því meiri notkun og við söfnum fljótt og vel fyrir húsinu okkar og allir græða.
Ljósið er 5 ára þetta árið og því tilvalið að stuðla að framtíðaröryggi svo það komi til með að lifa a.m.k næstu 100 árin. Endilega sendið áfram á þá sem þið þekkið og vilja styrkja gott málefni.
En ath það þarf að sækja lyklana hingað því þeir eru forritaðir fyrir Ljósið. Þeir eru ekki tengdir debet eða kreditkorti heldur notaðir áður en kortið er sett í.
